Friday, April 15, 2016

கூட்டணிக் குழப்பங்கள் ஓய்ந்தனவே – கட்சி கொள்கைகள் முற்றும் மாய்ந்தனவே!


கூட்டணிக் குழப்பங்கள் ஓய்ந்தனவே – கட்சி
கொள்கைகள் முற்றும் மாய்ந்தனவே!
ஓட்டினி கேட்டவர் வந்திடுவார் –மேலும்
ஒருசிலர் நோட்டினைத் தந்திடுவார்!
ஆட்டமே களைகட்டும்! பாருமிங்கே- நடக்கும்
அரசியல் வேடிக்கை! ஊதசங்கே!
நாட்டையே மேலும் நாசமாக்கும் –நாளும்
நஞ்சென விலைவாசி மோசமாக்கும்!


வாணிகம் ஆயிற்றே தேர்தலின்றே –மக்கள்
வளமுற வாழ்கின்ற நாளுமென்றே!
நாணிடும் உள்ளமே காணவில்லை –ஏனோ
நல்லவர் அக்கரைப் பூணவில்லை!
தேன்தேடி மலர்தனில் திரியும்வண்டே-பதவித்
தேன்தேடும் பித்தராம் ! திரியக்கண்டே!
ஏனில்லை மாற்றமே! நம்மிடையே – வருமா
எழுச்சியும் ஆற்றலும் நம்மிடையே!

புலவர் சா இராமாநுசம்

17 comments :

  1. நடைமுறையின் உண்மை நிலை ஐயா வரிகள் நன்று
    தமிழ் மணம் 1

    ReplyDelete
  2. //ஓட்டினி கேட்டவர் வந்திடுவார் –மேலும்
    ஒருசிலர் நோட்டினைத் தந்திடுவார்!//

    உண்மைதான் ஐயா. வாக்காளர்கள் விலை போவது நிற்கும் வரை இது நடந்துகொண்டுதான் இருக்கும். மாற்றம் வரும் என நம்புவோம்.

    ReplyDelete
  3. கேள்விக்கு பதில்தான் தெரியவில்லையே அய்யா !

    ReplyDelete
  4. உண்மையான வரிகற் ஐயா...
    அருமையா இருக்கு....

    ReplyDelete
  5. குழப்பங்கள் ஓய்ந்தமாதிரி தெரியவில்லையே ஐயா.

    ReplyDelete
  6. ஏனில்லை மாற்றமே! நம்மிடையே – வருமா
    எழுச்சியும் ஆற்றலும் நம்மிடையே!

    எழுசியும் ஆற்றலும் வரவேண்டுமையா
    நன்றி
    தம

    ReplyDelete
  7. சூழலுக்கு ஏற்ற கவிதை. ஆனால், குழப்பங்கள் ஓயவில்லை. கொள்கைகள் யாருக்கும் இல்லை.
    த ம மீண்டும் தகராறு பண்ணுகிறது.

    ReplyDelete
  8. யதார்த்தமான வரிகள் ஐயா...ஆனால் குழப்பங்கள் தொடர்ந்து கொண்டுதானே இருக்கின்றன!! யாருக்கும் கொள்கைகள் இல்லை. எல்லா கட்சிகளும் பிற கட்சிகளைச் சாடுவதில்தான் இருக்கின்றன...

    ReplyDelete
  9. கொள்கைகள் என்று ஏதாவது இருந்ததா என்ன. ?

    ReplyDelete
  10. அருமையான பா வரிகள்
    முடிவு
    வாக்காளர் கையில்
    பயன்மிக்க பதிவு

    ReplyDelete
  11. இன்றைய நிலையை அருமையாக எடுத்துரைத்துள்ளீர்கள் ஐயா.

    கூட்டணிக் குழப்பங்கள் மறைந்து, இனி ஓட்டுப்பணிக்குப் பதிலாக கட்சிகளின் நோட்டுப் பணி தொடங்கிடுமே!!!

    ReplyDelete

இவற்றையும் வாசிக்கலாமே.

Related Posts Plugin for WordPress, Blogger...