குடிகெடுக்கும்
குடியொழியும் நாள்தான் ஒன்றே –உண்மைக்
குடியரசாய்
கொண்டாடி மகிழ்வோம் நன்றே -மேகம்
இடியிடித்தும் மழையின்றி
போதல் போல – வீணே
எண்ணற்ற தியாகிகளின் தியாகம்
சால -அழிந்து
தடியெடுத்தோர்
ஆளுகின்ற நிலைதான் கண்டோம்- நாளும்
தாங்கிடவே
இயலாத் துயரே! கொண்டோம் –நல்ல
முடிவெடுத்து வாக்குகளைப்
போட வேண்டும் –என்ற
முடிவொன்றே குடியரசு வாழ்த்தாம்
ஈண்டும்
புலவர் சா இராமாநுசம்
