Monday, May 18, 2015

முள்ளி வாய்க்கால் நினைவுதினம்!


முள்ளி வாய்க்கால் நினைவுதினம்-உலகம்
முழுவதும் வாழும் தமிழர்இனம்!
உள்ளி உள்ளுள் அழுவாராம் –இறந்த
உறவுகள் தம்மைத் தொழுவாராம்!
கொள்ளி வைக்கவும் ஆளின்றே –அவர்
குடும்பமே அழிந்த நாளின்றே!
சொல்லி ஆற்றாத் துயரன்றோ- போனது
சொல்லிட இயலா உயிரன்றோ!


தேதி இன்று பதினெட்டே –இந்த,
தேதியில் அந்தோ !மதிகெட்டே!
நீதியில் படுகொலை நடந்ததுவே –என்றும்
நீங்காத் துயரொடு கடந்தனவே!
வீதியில் பிணங்கள் சிதறிடவும்-ஈழம்
வேதனைப் பொங்கக் கதறிடவும்!
பீதியில் இன்றுமே! வாழ்கின்றார் –பலமுறைப்
பேசியும் பயனிலை என்கின்றார்!

புலவர் சா இராமாநுசம்

14 comments :

  1. வேதனை தீரும் நாள் விரைவில் வர வேண்டுகிறேன் ஐயா...

    ReplyDelete
    Replies
    1. முதல் வருகைக்கு மிக்க நன்றி!

      Delete
  2. நல்ல காலங்கள் பிறக்கவேண்டும்....தம +1

    ReplyDelete
  3. வேதனைகள் தீரும் ஒரு நாள் வரமாலா போயவிடும்......

    ReplyDelete
  4. வேதனை நிறைந்த வரிகள் ஐயா இறந்தோரை இன்றாவது நினைவு கூர்வோம்
    தமிழ் மணம் 3

    ReplyDelete
  5. அந்நாளை நினைவுகூர்ந்து பகிர்ந்தமைக்கு நன்றி. நன்னாளை எதிர்பார்ப்போம்.

    ReplyDelete
  6. அந்த கொடியோர்களுக்கு கொள்ளிவைக்கும் நாள் இன்னும் வரவில்லையே என்பதே என் வருத்தம் !

    ReplyDelete
  7. "தேதி இன்று பதினெட்டே –இந்த,
    தேதியில் அந்தோ !மதிகெட்டே!
    நீதியில் படுகொலை நடந்ததுவே –என்றும்
    நீங்காத் துயரொடு கடந்தனவே!" என
    நினைவூட்டினீர்கள் - நானும்
    அங்கே, அப்போது
    பல முறை செத்து உயிர்த்தேன்...
    ஐ.நா. முள்ளிவாய்க்கால் நினைவேந்தலை
    அங்கீகரிக்க வேண்டுகிறேன்!

    ReplyDelete

இவற்றையும் வாசிக்கலாமே.

Related Posts Plugin for WordPress, Blogger...