Tuesday, November 6, 2012

மதிமிகு தமிழா எழுவாயா –நம் மானத்தை உரிமையைக் காப்பாயா



 எழுவாய்த் தமிழா எழுவாயா-அணையை
     இடித்த  பின்னர்  அழுவாயா
வழுவாய்ச் சொல்லியே துடிக்கின்றார்-நீர்
     வழங்கிட பொய்பல தொடுக்கின்றார்
தொழுவாய் எதற்கு வடநாடே-அவர்
    துணையால் நடப்பதே இக்கேடே
கழுவாய் எதிர்ப்புப் போராட்டம்-அதைக்
     கண்டவர் புத்தி மாறட்டும்

முல்லைப் பெரியார் அணைமட்டும்-அந்த
     மூடர்கள் கை யால் உடையட்டும்
எல்லைப் போரே நடந்திடுமே-நம்
    ஏக இந்தியா உடைந்திடுமே
தொல்லை மத்தியில் ஆள்வோரே-உடன்
     துடிப்புடன் விரைந்து தடுப்பீரே
இல்லை என்றால் பெரும்போரே-இங்கு
     ஏற்படும் பொறுப்பு ஆள்வோரே

திட்டம் இட்டே செய்கின்றார்-அவர்
    தினமும் பொய்மழை பெய்கின்றார்
கொட்டம் இனிமேல் செல்லாதே-தமிழன்
    குமுறும் எரிமலை பொல்லாதே
சுட்டால் தெரியும் நண்டுக்கே-எடுத்துச்
    சொன்னால் புரியா மண்டுக்கே
பட்டே அறிந்திடல் கேரளமே-நல்ல
     பண்பா ? அறித்திடு கேரளமே!

அனைவரும் ஒன்றாய் சேருகின்றார்-நம்
     அணையை உடைக்கக் கோறுகின்றார்
இனியென தமிழகம் திரளட்டும்-நம்
      எழுச்சியை உலகம் உணரட்டும்
தனியொரு புதுயுகம் தோன்றட்டும்-பின்
      தக்கதோர் பாடம் கற்கட்டும்
மனித நேயமே அற்றவர்கள்-பாபம்
      மனதில் நோயே உற்றவர்கள்

உதிரிப் பூவாய் கட்சிகளே-இங்கே
    உள்ளது சரியா கட்சிகளே
எதிரிகள் அனைவரும் ஒன்றாக-அங்கே
    இருப்பதைக் காண்பீர் நன்றாக
சதிபல அன்னவர் செய்கின்றார்-ஏற்ற
    சமயம் இதுவென முயல்கின்றார்
மதிமிகு தமிழா எழுவாயா –நம்
    மானத்தை உரிமையைக் காப்பாயா

               மீள்பதிவு

                                      புலவர் சா இராமாநுசம்

16 comments :

  1. ஆம்... தமிழர் எழுச்சி கொண்டு சீற்றத்தை வெளிப்படுத்தினால்தான் நிலைமை மாறும். நன்கு சொன்னீர்கள் ஐயா.

    ReplyDelete
  2. எழுச்சியூட்டும் அருமையான கவிதை
    இறந்தவனைக் கூட எழுப்பலாம்
    தூங்குவதைப் போல நடிப்பவர்களை
    எப்படி எழுப்புவது ?
    மனம் தொட்ட பதிவு
    தொடர வாழ்த்துக்கள்

    ReplyDelete
  3. ஆம்.. தமிழன் எழ வேண்டும்..மானத்தையும் உரிமையையும் காக்க வேண்டும்..

    ReplyDelete
  4. உற்சாகத்துடன் அனைவரும் ஒன்றுபட வேண்டும்...

    ReplyDelete
  5. தங்கள் வரிகளாவது எழ வைக்கிறதா பார்ப்போம் ஐயா.

    ReplyDelete
  6. மிக்க நன்றி!

    ReplyDelete
  7. மிக்க நன்றி!

    ReplyDelete
  8. மிக்க நன்றி!

    ReplyDelete
  9. "Great post! Keep up the amazing content.
    Netrockdeals is one of the top Websites in India that provides shopping offers and Discount Coupons. We provide the latest cashback offers deals available on all online stores in India.Beardo Coupon
    Dell offers
    Mivi Coupon Code
    Ajio Coupons
    Zivame coupon code We provide thousands of deals to over one hundred retail merchants to furnish the best online shopping experience each day. Our team maximizes our efforts to provide the best available offers for our users. We are continually working on our website to provide the best satisfaction to our users."

    ReplyDelete

இவற்றையும் வாசிக்கலாமே.

Related Posts Plugin for WordPress, Blogger...