Thursday, September 14, 2017

நாதியின்றி வாழ்பவர் நாட்டி லின்றே-நாளும் நடுத்தர குடும்பங்கள் பாவ மன்றோ


நாதியின்றி வாழ்பவர் நாட்டி லின்றே-நாளும்
நடுத்தர குடும்பங்கள் பாவ மன்றோ
வீதியிலே இறங்கிவர இயலா ரென்றே-இந்த
வேதனையா? எண்ணுங்கள்! செய்வீர் நன்றே!
பாதிக்கும் பலவகையில்! பார்ப்பீரய்யா-அந்த
பாவிகளின் துயரத்தைத் தீர்ப்பீரய்யா
நீதிக்கும் குரல்கொடுக்க துணிய மாட்டார்-இரவு
நிம்மதியும் இல்லாமல் உறங்க மாட்டார்!

பணக்காரர் இதுபற்றி கவலை கொள்ளார்-இங்கே
ஏழைக்கோ ! இலவசம்! தொல்லை யில்லார்
கணக்காக செலவுதனை திட்ட மிட்டும்-மாதக்
கடைசியிலே கடன்வாங்கித் துயரப் பட்டும்
பிணமாக உயிரோடு நடக்கப் பலரும்-வாழும்
பேதைகளாம் நடுத்தரமே! பொழுதா புலரும்!?
குணமென்னும் குன்றேறி நின்றா ரவரே!-அவர்
கொதித்தாலே எதிர்வந்து நிற்பா ரெவரே!

புலவர்  சா  இராமாநுசம்

9 comments :

  1. அறச்சீற்றம் அருமை ஐயா
    த.ம.பிறகு.

    ReplyDelete
  2. உண்மைதான் ,நடுத்தரம் கொந்தளித்தால் நாடு தாங்காது அய்யா :)

    ReplyDelete
  3. இந்த முறையீட்டை யார் காதில் வாங்குகிறார்? தம இரண்டாம் வாக்கு.

    ReplyDelete
  4. விரைவில் கொந்தளிப்பு ஏற்படும் ஐயா
    அருமை
    தம +1

    ReplyDelete
    Replies
    1. அந்த நாள் வெகு விரைவில்!

      Delete
  5. வெகு விரைவில் காட்சி மாறும்ன்னு நினைக்கிறேன்ப்பா

    ReplyDelete
  6. அவர் கொதித்தால் எதிர் வந்து நிற்பவர் எவரும் இல்லை என்பது உண்மைதான் ஐயா.

    ReplyDelete

இவற்றையும் வாசிக்கலாமே.

Related Posts Plugin for WordPress, Blogger...