நூல் வெளியீடும் முக்கிய படங்களும்!



பித்தன்




கனேஸ்



ஸ்ரவாணி

                                                 புலவர் நஞ்சப்பன்



மருத்துவர் பிரமீளா 



தன்னலம் காணா தகவுடையாள்-எதிலும்

       தனக்கென நற்குணம் மிகவுடையாள்

   இன்னவர் இனியவர் பாராமல்-உதவ

        எவருக்கும் மறுப்பு கூறாமல்

   என்னவள் இவளே செய்திடுவாள்-வரும்

       ஏழைக்கே மருந்தும் தந்திடுவாள்

   அன்னவள் மருத்துவ மாமணியே-புகழ்

       அறிந்திட இயலாப் பாவழியே!

Address:

       கௌரா ஏஜென்ஸீஸ்

10/14 தோப்பு வெங்கடாசலம் தெரு

          திருவல்லிக்கேணி, சென்னை-5

Mob: 97907 06548 / 97907 06549

email: gowra_09@yahoo.in / gowra09@gmail.com

            அன்பின் இனிய உறவுகளே!

                           கவிதை நூல் வேண்டுவோர் மேற்படி

            முகவரியில் தொடர்பு கொண்டு பெற்றுக் கொள்ளலாம்

                          அடுதுவரும் பதிவுகளில் நூல் பற்றிய விபரங்கள்

               வெளிவரும் என்பதை அன்போடு தெரிவித்துக்கொள்கிறேன்

                                                                            புலவர் சா இராமாநுசம்

                  

தமிழ்வழி என்றும் போற்றுகின்றேன!

நேற்றே எழுதிட முயன்றேனே-நிகழ்சி

  நிறைவால் அயர்ந்து துயின்றேனே

ஏற்றே அழைப்பை வந்தார்கள்-எனக்கு

  எல்லையில் மகிழ்வே தந்தார்கள்

போற்றத் தக்கவர் அன்னாரே-மேலும்

   புகழ்ந்து என்னையும் சொன்னாரே

ஆற்றல் மிக்கவர் அன்பாலே-எனக்கு

   அளித்தார் பெருமை பண்பாலே

அன்னைத் தமிழின் கொடையாலே-வலை

   அறிமுகம்! கவிதை நடையாலே

சென்னைப் பித்தனும் வந்தாரே!-மகள்

   ஸ்ரவாணி, துணைவரும் வந்தாரே!-

மின்னல் வரிகள் கணேசும்-மிகவும்

  முன்னரே வருகை தந்தாரே

கன்னல் சுவையது எனக்கன்றோ-மனக்

   கண்ணில் மறையா நிலையன்றோ!

வலைவழி வாழ்த்திய பலருக்கும்-நேரில்

   வந்து வாழ்த்திய மூவருக்கும்

அலைவழி வாழ்த்தி நன்றியென-என்

   அன்பும் வணக்கமும் என்றுமென

தலையது தாழச் சாற்றுகின்றேன்-கற்ற

  தமிழ்வழி என்றும் போற்றுகின்றேன

நிலையில் உலகில் என்பெயரும்-நூல்

  நிலைத்திட வாழும் என்பெயரும்!

      நன்றி!  நன்றி!   நன்றி!  

                புலவர் சா இராமாநுசம்

   

  

ஈழ வளமையை மீண்டும் தருவாயா...?

       எழுத எண்ணி எழுந்தேனே-ஆனால்

            இதயம் விம்ம அழுதேனே

        அழுத புலம்பல் கேட்கிலையா-ஈழம்

            அலறிய சேனலை நோக்கிலையா

        விழுதையும் வெட்டி எறிந்தானே-சிங்களன்

            வெறியொடு எங்கும் திரிந்தானே

        தொழுதேன் இறைவா வருவாயா-ஈழத்

              துயரை நீக்கித் தருவாயா

        நாதியும்  அற்றுப் போனானே-தனக்கோர்

             நாடும்  அற்றுப் போனானே

        பீதியே இறைவா எந்நாளும்-ஈழம்

            பெற்றால் உனக்கோர் திருநாளாம்

        வீதி உலாவும்  வருவாயே-எம்

           வேண்டுதல் நடத்தி தருவாயே

        நீதி இல்லா  உலகமிது –துளியும்

           நேர்மை யில்லா உலகமிது

        உன்னை விட்டால் வழியில்லை-ஏனோ

            உனக்குமா கருணை விழியில்லை

        பொன்னை நாங்கள் கேட்கவில்லை-வேறு

             பொருளை நாங்கள் கேட்கவில்லை

        அன்னை ஆமாம் தமிழீழம்-தமிழன்

            ஆண்டால் தானே வளம்சூழும்

        மண்ணை விட்டுத் தரமாட்டோம்-அடிமை

            மண்ணில் உயிரை விடமாட்டோம்

        எத்தனை நாடுகள் இங்குண்டாம்-அவை

             இருந்தும் என்ன பயன்கண்டோம்

        சித்தம் வைப்பாய் இறைவாநீ-வந்து

              செய்வாய் அருள்வாய் விரைவாநீ

        எத்தர்கள் சிங்களர் கயவர்களே-பெரும்

             இனவெறி மொழிவெறி கொடியர்களே

         புத்தரைப் போற்றும தகுதியில்லை-அவர்

             போதனைக் ஏற்கும நாடில்லை

          வருவாய்  இறைவா  வருவாயா-ஈழ

             வளமையை  மீண்டும்  தருவாயா

          திருவாய்  திகழ்ந்ததே எம்தேசம்-சிங்கள

             தீயோர் செய்தார்  படுநாசம்

         ஒருவாய் சோற்றுக்கும் படும்தொல்லை-வேலி

             ஓரம்தானே அவர் எல்லை

         கருவாய்  உருவாய் அழிந்தாரே-உலகம்

            காணவும் கண்ணீர் பொழிந்தாரே

      
  புலவர் சா இராமாநுசம்

                                                              

மீண்டும் அழைக்கிறேன்

மீண்டும் அழைக்கிறேன் வருவீரே-எனக்கு

    மேன்மைப் பெற்றுத் தருவீரே

வேண்டும் உங்கள் வரவுகளே—என்

    வேண்டுதல் உமக்கே உறவுகளே

யாண்டும் பெருமை எமக்காமே-நன்றி

   என்றும் உரியது உமக்காமே

தூண்டும் உளத்தில் எனைமேலும்-நல்

   தூணாய் தாங்கும் எந்நாளும்

இரண்டு மூன்று நாட்கள்தான்-விழா

   இடையில் உள்ள நாட்கள்தான்

திரண்டு வந்தே வாழ்த்துங்கள்-இன்பத்

   தேனாய் மகிழ்வில் ஆழ்த்துங்கள்

மருண்டு கிடக்குது என்மனமே-உற்ற

   மருந்தென வருவீர் அத்தினமே

வரண்ட நிலமெனும் எனமனமே-உம்

   வரவால் என்னுளம் நலம்பெறுமே

                   புலவர் சா இராமாநுசம 

முதல்வர் துணிந்தால் வந்திடும் ஒருவிடிவே!

காதே இல்லையா மத்தியிலே –அதைக்

  கண்டும் நமக்கேன் புத்தியிலே

தீதே செய்திட சிங்களனே-தினம்

  தேம்பி அழுதிட மீனவனே-அவனோ

ஏதும் அறியா அப்பாவி-கோட்சே

  எதற்கும் அஞ்சா கொடும்பாவி

வாதோ செய்தினி பயனில்லை-தீவை

   வாங்கிட தொடுப்போம் அறப்போரே

ஒன்றா இரண்டா சொல்லுங்கள்-வரும்

   ஒவ்வொரு நாளும் மல்லுங்கள்

இன்றா நேற்றா இல்லையே-முடிவு

    இல்லாத் தொடர்கதை! தொல்லையே!

கொன்றான் பலரை பலநாளும்-இக்

    கொடுமை அவர்க்கே திருநாளாம்

நன்றா இனியும் வாளாக-உடன்

     நாமும் கொட்டுவோம் தேளாக

   

துணிந்து எடுப்பீர் ஒருமுடிவே-முதல்வர்

   துணிந்தால் வந்திடும் ஒருவிடிவே!

பணிந்து வேண்டியும் பயனில்லை-எடுத்து

   பலமுறை சொல்லியும் பயனில்லை

தணிந்து போவது பெருங்கேடே-நாளை

   தள்ளிப் போடின் வருங்கேடே

அணியென வருவோம் ஆணையிடும்-மக்கள்

   அலையென திரள தவிடுபடும்

                             புலவர் சா இராமாநுசம்

காதல் கொள்வீர்! இதையும் காதில் கொள்வீர்!

 

அள்ளவரும் நீரலவே காதல்!-அதை

    அறியாது, இருவருமே சாதல்!

எள்ளுகின்ற நிலைதானே தருமே-மேலும்

    என்றென்றும் பழிதானே வருமே

உள்ளமதில் உறுதியுடன் நின்றே-காதல்

    உண்மையாக எதிர்தாலும் வென்றே

வெள்ளமதில் எதிர்நீச்சல் போன்றே-நீர்

    வீறுகெளல் வெற்றிக்குச் சான்றே!

உண்மைக்கு அழிவென்றும் வாரா-காதல்

    உள்ளங்கள் பேதங்கள் பாரா!

பெண்மைக்கு சிலசில குணமே-அவள்

    பெருமைக்கு வேண்டுவ மணமே!

ஆண்மைக்கு ஆசையே தூண்டும்-அதை

   அடக்கியே நடந்திட வேண்டும்!

மேன்மையும் வந்திடும் அதனால்-காதல்

   மேலும் பொலிவுறும் இதனால்

ஒருவரை ஒருவரும் உணர்வீர்- பின்

    உள்ளத்தில் காதலும் கொள்வீர்!

இருவரின் மனமது ஒன்றுபட-எவர்

    எதிர்ப்புமே முற்றிலும் தவிடுபட

உருவத்தின் அழகொன்றே போதா-ஒத்த

    உணர்வு இன்றெனில் ஆகா

பருவத்தில் தெளிவாக சிந்திப்பீர்!-பின்

    பட்டாலே துன்பத்தில் நிந்திப்பீர்!

               புலவர் சா இராமாநுசம்

   

                     

குருடாகிப் போகவில்லை சர்வதேசம்-அதை...?

குருடாகிப் போகவில்லை சர்வதேசம்-அதை
குருடாக செய்ததுவே நமதுதேசம் !
திருநாடாய் தனிஈழம் மலரும்நேரம்-சிங்கள
திருடருக்கே துணையாக நெஞ்சில்ஈரம்
ஒருநாளும் அணுவளவும் இன்றிநாமே-வலிய
ஓடிப்போய் உதவிகளை செய்ததாமே!
வருநாளில் வரலாறும் காணுமிதனை-கண்ணில்
வரநீரும் காரணமே கையாமதன்னை!

எண்ணுங்கள் எவராலே ஈழநாசம்-அங்கே
ஏற்படவும் காரணமா சர்வதேசம்!
மண்ணுள்ளே குவியலென மனிதவுடலை-மூடி
மறைக்கின்ற படம்வந்தும் துயரப்படலே
கண்ணுள்ளே பட்டாலும கைகள்மூட-தமிழன்
கல்நெஞ்சம் கொண்டானே இதயம்மூட
இங்கே
எண்ணுங்கள் என்செய்யும் சர்வதேசம்-இந்த
இழிநிலைக்குக் காரணமே நமதுதேசம்

புலவர் சா இராமாநுசம்